दमक,७ भदौं । दमक उद्योग वाणिज्य सघले आयोजना गरेको दोश्रो अन्तर बस्तु फूटसल प्रतियोगिताको उपाधि होटल व्यवसायी संघले जितेको छ ।
संघको ३४ औं स्थापना दिवस तथा बार्षिकोत्सवका अवसरमा आयोजित प्रतियोगिताको फाइनलमा निर्माण व्यवसायी संघलाई १ का विरुद्ध २ गोल गर्दै उपाधि जितेको हो ।
उपाधिसँगै सो टिमले नगद ३३ हजार ३ सय ३३ रुपैयाँ पुरस्कार तथा टफी हात पारेको छ । उपविजेता निर्माण व्यवसायीको टिमले नगद २२ हजार २ सय २२ रुपैयाँमा चित्त बुझाएको छ । प्रतियोगितामा कस्मेटिक व्यवसायी संघको टिम अनुशासित तथा उत्कृष्ट टिम घोषित भएको छ । सो टिमले नगद ३ हजार एक सय रुपैया पाएको छ भने उत्कृष्ट खेलाडी विजेता टिमका सुजन राईले नगद ५ हजार पुरस्कार पाएका छन् ।
नेपाल उद्योग वाणिज्य महासंघका केन्द्रिय उपाध्यक्ष हेमराज ढकालको प्रमुख आतिथ्यमा भएको समापन कार्यक्रममा ढकालसहित नेपाल उद्योग वाणिज्य संघका केन्द्रिय सदस्यद्धय गोकुल श्रेष्ठ र उमेश डालमियाँ, संघका अध्यक्ष गोपाल गुरागाइँले विजेता तथा उपविजेता टिमलाई टफी एवं पुरस्कार वितरण गरेका थिए ।
संघले अघल्लो बर्षदखि बार्षिकोत्सवको अवसरमा बस्तुगत संघहरुबीच फुटसल प्रतियोगिता गर्न शुरु गरेको हो । वाणिज्य संघका कार्यालय सचिव निरज विष्टका अनुसार यसपटकको प्रतियोगितामा १३ वटा वस्तुगत संघले सहभागिता जनाएका थिए । प्रतियोगिताको उदघाटन बिहिबार महासंघका कोशी प्रदेश अध्यक्ष राजेन्द्र राउतले गरेका थिए । त्यसक्रममा प्रदेश अध्यक्ष राउतले व्यवसायीहरुबीच भातृत्व विकास गर्न यस किसिमको कार्यक्रमले सघाउँ पुरयाउँने जोड दिएका थिए ।