बिर्तामोड,१३ पुस । प्रेस सेन्टर नेपालको १० औं जिल्ला अधिवेशनले पुष्प खड्काको अध्यक्षतामा ११ सदस्यीय जिल्ला कमिटी चयन गरेको छ । विर्तामोडमा आज सम्पन्न जिल्ला अधिबेशनले खड्काको अध्यक्षतामा प्रेस सेन्टरको जिल्ला कमिटी सर्वसम्मत चयन गरेको हो । गठित जिल्ला कमिटीको उपाध्यक्षद्वयमा होमप्रकाश अधिकारी र सन्तोष शर्मा, सचिवमा प्रकाश उप्रेती, सहसचिवद्वयमा लेखनाथ चापागाईं र राजन साम्पाङ्ग तथा कोषाध्यक्षमा मनोज तिवारी चुनिएका छन् ।
त्यसैगरी टिकाराम बाँस्तोला, भोला तिम्सिना र पर्वत तामाङ सदस्यमा चयन गरिएको छ। कमिटीको बैठकले २ सदस्य थप गर्ने गरी ११ सदस्यीय समिति चयन गरेको हो।
अधिवेशनले डण्डिराज घिमिरे र झुलन रेग्मीलाई केन्द्रीय प्रतिनिधिमा पठाउने निर्णय गरेको छ । सो कार्यक्रममा पत्रकार राजन साम्पाङ प्रेस सेन्टर नेपालमा प्रवेश गरेका छन् । साथै कार्यक्रममा नेपाल पत्रकार महासंघ झापामा निर्वाचित कार्यसमितिका सचिव राजु पाठक र सदस्य सन्तोष शर्मालाई सम्मान गरेको छ ।
नेकपा माओवादी केन्द्रका जिल्ला इन्चार्ज राजु आचार्य (अग्नि ) को प्रमुख आतिथ्यतामा सम्पन्न अधिवेशनमा पार्टी केन्द्रीय कमिटी सदस्य भवानी दङ्गाल, प्रेस सेन्टर नेपालका सचिवालय सदस्य दिपिन राई, केन्द्रिय कमिटी सचिब बिमल लामिछानेले प्रेस सेन्टर नेपालका केन्द्रिय सदस्य लीलाराज खड्का, प्रदेश उपाध्यक्ष डण्डिराज घिमिरेले नवगठित समितिलाई शुभकामना व्यक्त गरेका थिए ।राजु पाठकको अध्यक्षमा सम्पन्न अधिवेशनमा सचिब खड्काले साङ्गठानिक प्रतिवेदन प्रस्तुत गरेका थिए ।
कार्यक्रममा नवनिर्वाचित अध्यक्ष खड्काले संगठनले निर्माण गरेको डि.कौडिन्य अक्षयकोषको अभियानलाई निश्कर्षमा पुर्याउनेसहित वार्षिक कार्ययोजना बनाएर अघि बढ्ने प्रतिबद्धता व्यक्त गरेका थिए ।