दमक,१८ भदौं । जिल्लाको कमल गाउँपालिका -५ स्थित गुहेश्वरी आधारभुत विद्यालयको अध्यक्षमा पदमबहादुर निरौला चुनिएका छन् ।
निरौला सोहि विद्यालयका पूर्व विद्यार्थी तथा पडाजुंगीका पूराना व्यवसायी समेत हुन् । मंगलवार सम्पन्न विद्यालय व्यवस्थापन समितिको बैठकले निरौलालाई अध्यक्षमा चयन गरिएको हो । यसअघि उनका दिवंगत पिता कृष्णबहादुर निरौलाले समेत सोहि विद्यालयको अध्यक्ष भएर त्यहाँको शैक्षिक विकासमा योगदान पुरयाँएका थिए ।
गठित विद्यालय व्यवस्थापन समितिको सदस्यहरुमा फुर्वा तामाङ्ग ,दिपा वस्नेत,उर्मिला वि.क,. दिपक मगर ,उमा कार्की र शिक्षक प्रतिनिधिमा देवी थपलिया रहेको सो विद्यालयका पूर्व विद्यार्थी तथा सामाजिक अगुवा दिनेश अधिकारी (कुल) ले जानकारी दिए । विद्यालय व्यवस्थापन समितिमा प्रअ सदस्य सचिव हुने व्यवस्था छ ।
विस.२०२३ सालमा स्थापित सो विद्यालयले अंग्रेजी तथा नेपाली माध्यममा प्ले ग्रुपदेखि कक्षा ८ सम्म पठनपाठन गदैंआएको छ ।