झापाका पत्रकार तिम्सिनाको निधन

झापा ,२७ चैत । झापा, बिर्तामोडका पत्रकार पारस तिम्सिनाको निधन भएको छ । बिर्तामोड -३ निवासी ३९ वर्षिय तिम्सिनाको उपचारका क्रममा आज दिउँसो बिर्तासिटी हस्पिटलमा निधन भएको हो । टाउकोमा व्लड जमेपछि उनलाई आज बिहान उपचारका लागि अस्पताल भर्ना गरिएको थियो । उपचार गरेर घर लगिएको र फेरि उपचारका लागि अस्पताल पुर्याउनासाथ उनको निधन भएको छिमेकी बसन्त ढकालले बताए ।
विगतमा विभिन्न सञ्चारमाध्यममा कार्यरत तिम्सिनाले पछिल्लो समय लेखापढी पेशा गरिआएका थिए । यामनाथ तिम्सिनाका जेठा छोरा पारसको आज साँझ ५ बजे नै कन्काई माईमा अन्त्येष्टि गरिने परिवारले जनाएको छ ।