धरान ,८ बैशाख । बीपी कोइराला स्वास्थ्य विज्ञान प्रतिष्ठान धरानको निमित्त उपकुलपतिको जिम्मेवारी प्रतिष्ठानका शिक्षाध्यक्ष प्रा.डा. सञ्जीवकुमार शर्मालाई दिइएको छ ।
वैशाख ४ गते प्रधानमन्त्री तथा प्रतिष्ठानका कुलपति केपी शर्मा ओलीको निर्णयअनुसार स्वास्थ्य मन्त्रालयले शर्मालाई निमित्त उपकुलपतिको जिम्मेवारी प्रा.डा. शर्मालाई दिएको प्रतिष्ठानकी प्रवक्ता डा.अन्जु प्रधानले बताइन् । शर्माले आइतबारदेखि निमित्त उपकुलपतिको जिम्मेवारी सम्हालेको प्रवक्ता डा.प्रधानले बताइन् ।
गत चैत २६ गतेदेखि प्रतिष्ठानका उपकुलपति डा। ज्ञानेन्द्र गिरीले आफ्नो ५ वर्षे कार्यकाल पूरा गरी अवकाश पाएपछि प्रतिष्ठान उपकुलपतिविहीन भएको थियो ।
प्रतिष्ठानमा नयाँ उपकुलपति नियुक्त नहुँदासम्मका लागि शैक्षिक, प्रशासनिक र आर्थिक कार्य सुचारु गर्न साथै प्रतिष्ठानको कामकारबाही गर्न प्रा.डा.शर्मालाई नियुक्ति गरिएको उनले बताइन् ।