दमक,४ कार्तिक । घरको छतबाट हामफालेर झापाको दमकमा आज विहान एक जना युवाले आत्महत्या गरेका छन् ।दमक नगरपालिका वडा नम्बर १ स्थित रबि स्टेण्डका २७ वर्षिय अर्बिन लिम्बूले आफ्नै घरको तेस्रो तलाबाट हामफालेर आत्महत्या गरेको जिल्ला प्रहरी कार्यालय झापाले जनाएको छ ।
मृतक लिम्बू मानसिक रोगबाट ग्रसित रहेका थिए । उनको शवलाई पोष्टमार्टमका लागि दमक अस्पताल लगिएको छ । प्रहरीले घटनाका विषयमा थप अनुसन्धान अघि बढाएको जिल्ला प्रहरी कार्यालय झापाले जनाएको छ ।
मलद्धारमा लागूऔषध ल्याउने पक्राउ
पूर्वी नाका काँकडभिट्टाबाट १३ ग्राम ब्राउनसुगरसहित काभ्रेका एक युवक पक्राउ परेका छन् ।मलद्वारमा लुकाएर ल्याउँदै गर्दा काभ्रेपलाञ्चोकको साबिक गा.बि.स. भिमखोरी ८ बस्ने २६ वर्षीय होमकुमार मैनाली पक्राउ परेका हुन् ।
गएराति ९ः३० बजे मेचीनगर– ६ पुरानो मेची पुलमा लागूऔषध नियन्त्रण व्यूरो काँकडभिट्टाबाट खटिएको प्रहरी टोलीले भारतको पानीट्याङ्कीबाट सिटी सफारीमा नेपालतर्फ आईरहेका मैनालीलाई शंका लागेर शरीर तलासी लिँदा मलद्वारमा प्लाष्टिकसहित १४ ग्राम ८५० मिलिग्राम र प्लाष्टिकबाहेक १३ ग्राम ब्राउनसुगर फेला परेको थियो । उनलाई आवश्यक कार्वाहीको लागि इलाका प्रहरी कार्यालय काँकडभिट्टामा राखिएको जिल्ला प्रहरी कार्यालयले जनाएको छ ।