दमक ,४ असोज । दमक उद्योग वाणिज्य संघले शुक्रबार राष्ट्रसेवक तीन जना कर्मचारीलाई स्वागतसहित परिचयात्मक कार्यक्रम गरेको छ ।
संघको आफनै सभाहलमा एक कार्यक्रम गरि कमल ५ लखनपुरस्थित सशस्त्र प्रहरी बल नेपाल पाथीभरा जवान शिक्षालयका प्रमुख वरिष्ठ प्रहरी उपरीक्षक (एसएसपी) राजेश उप्रेती, आन्तरिक राजश्व कार्यालय दमकका प्रमुख कर अधिकृत पुण्यप्रसाद रिजाल र अर्का कर अधिकृत ज्ञानेन्द्र यादवलाई स्वागत गर्नुका साथै कर अधिकृत लक्ष्मण कार्कीलाई विदाई गरिएको हो ।
नेपाल उद्योग वाणिज्य महासंघका केन्द्रीय सदस्य गोकूल श्रेष्ठ, संघका अध्यक्ष देवीप्रसाद गुरागाइँ (गोपाल), संघका लेखा संयोजक नेत्र चम्लागाइँ र सल्लाहकार समेत रहेका दमक खानेपानी तथा सरसफाई उपभोक्ता संस्थाका अध्यक्ष रवि न्यौपाने केसीले तीनै जना राष्ट्रसेवक कर्मचारीलाई स्वागत गर्दे जनअपेक्षा अनुसार कार्यसम्पादनमा सफलता मिलोस भन्ने शुभेच्छा व्यक्त गरेका थिए ।
उनीहरुले व्यवसायीहरुसँग प्रत्यक्ष सरोकार राख्ने निकायका प्रमुख राष्ट्रसेवकहरुबाट व्यवसायीहरुले समाधानमुखी सेवाको अपेक्षा राखेको उल्लेख गरेका थिए ।त्यसक्रममा स्वागत ग्रण गर्दे एसएसपी उप्रेती र रिजालले यस क्षेत्रसँग आफ्नो पुरानो सम्बन्ध समेत रहेकाले कार्य सम्पादनमा सकारात्मक सहयोग रहने अपेक्षा सुनाए ।
कार्यक्रममा दमक उवासंघका वरिष्ठ उपाध्यक्ष राजु खड्का, प्रथम उपाध्यक्ष राजकुमार योङया, द्धितीय उपाध्यक्ष ज्ञाननाथ पौडेल, तृतीय उपाध्यक्ष रुवल अधिकारीसहित संघका कार्यसमिति सदस्यहरु हेमसागर अधिकारी, टिकाराम खतिवडा , कमल कटुवाल, बस्तुगत संघका प्रतिनिधिहरु राम रिमाल, कृष्ण अधिकारी लगायतले सुझावसहित शुभकामना राखेका थिए ।